వినూత్న వీడ్కోలు

అదేమో

జ్ఞాపకాల విత్తనాలు చల్లుకుంటూ
అలా నడుస్తో ఉన్నానా
వెనక్కి తిరిగి చూసుకునేసరికి

నువ్వు

నే చల్లిన
జ్ఞాపకాల విత్తనాలు ఏరుకుంటూ
నాకు వీడ్కోలు చెబుతో

ఈ సంవత్సర కాలం అంతా
నువ్వు నాతొ
ఒక్క క్షణం మన మధ్య ఎడబాటు లేదు

నాతొ బాటు నవ్వావు
ఎగిరావు గెంతావు
ఆడావు పాడావు

ఏడ్చినపుడు నిశ్శబ్దం అయ్యావు
నవ్వినపుడు తుల్లింతలయ్యావు
అలసినపుడు తల్లివయ్యావు

విషాదంలో ఓదార్పువయ్యావు
చెడు జ్ఞాపకాలకు మరుపు మందువు అయ్యావు
తీపి గుర్తులకు వేదిక నువ్వై నిలిచావు

మళ్లీ మనం కలవము అని తెలుసు
కానీ నీతో గడిపిన ఈ కాలము
నా జీవిత గమనంలో ఒక మైలు రాయి

ప్రియతమా

నీ తోటి నా అనుభవాలు
మూట కట్టుకొని
కొత్త నేస్తంతో జత కట్టడానికి వెళ్తున్నా


నిన్ను మల్లి కలవాలనే ఆత్రుత లేదు
కొత్త దారుల్ని వెతుక్కోడం తప్ప

ఇప్పుడు విరహం లేదు
కొత్తదనం మీది మమకారం తప్ప


ఇక్కడ నిరాశ నిస్పృహ లేదు
ఆశలు, ఆశయాలు తప్ప

ఇక్కడ శూన్యం లేదు
అన్ని కావాలనే ఆత్రుత తప్ప

నేస్తం

నా కొత్త నేస్తానికి స్వాగతం
చెప్పడానికి వెళ్తున్నా
నీకిక వీడ్కోలు

(పాత సంవత్సరానికి వీడ్కోలు
నూతన సంవత్సరానికి స్వాగతం కి వచ్చిన బాధలండి ఇవీ :) )

బ్లాగు జనులందరికి నా
హృదయపూర్వక నూతన సంవత్సర శుభాకాంక్షలు

The Wait

Oh my,

me waiting here
trying hard not to let the tears
run down

lest,

the roses on my cheeks would
fade away before you come

fighting with the eternal darkness
waiting for you to come
to dazzle me

lest,

this darkness would
not let you to see me when you come


me waiting here
anchored myself in the present
struggling hard not to run along with future

lest,

my youth will
fade away before you come

oh my,

before the stars go down,
before the moonlight faints, and
before the honey dew evaporates

come down dear

take my breath away
because I cannot hold this breath any longer

నిశ్శబ్ద గీతం

ఇదో ఈ నీరవ నిశీధి అంచున నిలబడి
నిశ్శబ్ద గీతాలను అల్లుతున్నాను

గొంతు పెకలదు
మాట రాదు
శబ్దం లేదు

అయినా
పెను తుఫానులు
నా హృదయంలో

నీకేమైనా
వినిపించాయానేస్తం

నీ కోసం

నీ కోసం ఎదురు చూసినంత సేపు పట్టలేదు
నువ్వు వచ్చావు వెళ్లావు
నేను నీ ఊహల్లో మునిగినంత సేపు పట్టలేదు
నీతోటి నా కాలం కరిగిపోవటానికి
నేస్తం
నీ కోసం ఈ ఎదురు చూపులు
కాలంలో కరిగిపోతున్నాయి
కన్నీరు తుడుచుకోవడానికి కూడా
నాకు సమయం లేదు
ఆ లిప్త మాత్రం లోనే
నువ్వు వచ్చి వెళ్ళిపోతే
నేను భరించలేను

వసంతం

జాజి మల్లె తోటలోన
సన్నజాజి పందిరి నీడ
కూర్చొని వసంతం కోసం ఎదురు చూసిన వేళ
గల గల గాజుల సవ్వడి వింటి
వడి వడి అందెల రవళుల వింటి
రాలిన పూల కుప్పలే పోసి
వీచిన మల్లెల వాసనలే చూసి
రాణి చెలియ కోసం ఎదురు చూసిన వేళ
జలతారు చీర రెప రెపలే వింటి
మిన్నాగు జడ తడబాటే కంటి
పచ్చని ఆమని నడిగి
పేర్చిన పూల చెలి మెడ వేసి
మురిపించే ముద్దురాలి
పాణి గ్రహించేడి వేళ
కొమ్మల్లోని కోయిలమ్మ
సన్నాయి పాటల పాడగా వింటి