వసంతం

జాజి మల్లె తోటలోన
సన్నజాజి పందిరి నీడ
కూర్చొని వసంతం కోసం ఎదురు చూసిన వేళ
గల గల గాజుల సవ్వడి వింటి
వడి వడి అందెల రవళుల వింటి
రాలిన పూల కుప్పలే పోసి
వీచిన మల్లెల వాసనలే చూసి
రాణి చెలియ కోసం ఎదురు చూసిన వేళ
జలతారు చీర రెప రెపలే వింటి
మిన్నాగు జడ తడబాటే కంటి
పచ్చని ఆమని నడిగి
పేర్చిన పూల చెలి మెడ వేసి
మురిపించే ముద్దురాలి
పాణి గ్రహించేడి వేళ
కొమ్మల్లోని కోయిలమ్మ
సన్నాయి పాటల పాడగా వింటి